ვინ არის კირკე?

დიადი კოლხი დედოფალი, გრძნეული ქალი და ციური ძალების მბრძანებელი.

კირკე — სახელი, რომელიც შთაგონებით, ძალითა და საიდუმლოებით არის სავსე. იგი არ არის მხოლოდ ანტიკური მითოლოგიის პერსონაჟი — ის სიმბოლოა ქალის ძალის, სიბრძნისა და შინაგანი დამოუკიდებლობის. კირკეს შარფებშიც სწორედ მისი ხასიათის ელემენტები იმალება — მემკვიდრეობა, რომელიც ისტორიასა და ჯადოსნობას აერთიანებს.

კირკე იყო ტიტან ჰელიოსის — მზის ღვთაების — ქალიშვილი და ოკეანიდი პერსეს ქალიშვილი. ეს მემკვიდრეობა მას ზებუნებრივ ძალას ანიჭებდა: ის არ იყო მხოლოდ დედამიწის ძალებთან დაკავშირებული, მას შეეძლო ზემოქმედება ციურ სხეულებზე — მზეზე, მთვარეზე, ვარსკვლავებზე. ის ცვლიდა არა მხოლოდ ფიზიკურ ბუნებას, არამედ დროს, მიმართულებასა და სინათლესაც კი.

კირკე უკაცრიელ კუნძულ აიაიაზე ცხოვრობდა — იდუმალ, მისტიკურ გარემოში, სადაც ბუნება და ჯადოსნობა ერთ მთლიანობაში ჰარმონიას ქმნიდა. კუნძული მისი პირადი სამყარო იყო — შელოცვების, მედიტაციისა და სიბრძნის სივრცე. სწორედ აქ მივიდნენ ცნობილი გმირები იასონი და მედეა ცოდვის გასაწმენდად და შინაგანი გზის საპოვნელად. 

კირკეს ძალა სცდებოდა ფიზიკურს — მას შეეძლო ადამიანების ბუნების შეცვლა, მათ არსებაში გარდატეხის მოხდენა. იგი ტრანსფორმაციის ქალღმერთი იყო — არა მხოლოდ სხეულებრივის, არამედ სულიერის. მას შეეძლო მტრის განადგურება, მეგობრის გაჯანსაღება და შინაგანი სამყაროს გახსნა. ის არ იყო სასტიკი, არამედ სიბრძნის მატარებელი — ქალი, რომელიც არჩევანს ცნობიერად და ზუსტად აკეთებდა.

კირკე საუკუნეების განმავლობაში იქცა იმ არქეტიპად, რომელიც მრავალი ქალისთვის შთაგონების წყაროა: ქალი, რომელიც არ ეძებს მოწონებას; რომელიც მმართველია საკუთარი სივრცისა; რომელიც ცალკე მდგომია, მაგრამ არასოდეს მარტო. მისი ხმა, მისი შელოცვები და მისი სიმშვიდე განასახიერებს იმ საიდუმლოს, რასაც ჰქვია შინაგანი ძალა.

სწორედ კირკეს მემკვიდრეობაზეა ბრენდი "კირკე" აგებული. ჩვენი შარფები ეძღვნება ქალებს, რომლებიც იბრძვიან საკუთარი ადგილისთვის სამყაროში, რომლებიც ფლობენ შინაგან ძალას, იცავენ კულტურასა და ატარებენ ამბავს — როგორც გრძნეული ქალღმერთი აიაიადან.

ატარე ამბავი  . . .

ატარე კირკე . . .